பிரித்தலும்,மேய்தலும், கோர்த்தலும்

தலையை மட்டும் குழம்பு வைக்கலாம்

சொல்கிறாள் அம்மா.

குடல் பொறியல் செய்யலாம்

சொல்கிறார் அப்பா

தொடைக்கறி முடிச்சுகள் உடுத்தியபடி.

உப்புக்கண்டம் அப்புறம் பிரிச்சுக் கோர்த்துக்கலாம்

இம்முறையும் அம்மாதான்.

வாசலில் காய வைத்துக்கொண்டிருந்தாள்

வாசம் இழுத்தபடியே

அவனை பார்க்கிறேன்

கழுத்தில் பளபளத்தது புதுமணி.

வெறும் எலும்புதானா, அண்ணி

திசைதிருப்பியது மூத்த நாத்தனாரின் குரல்.

ஏறிக்கெழுத்தி வலையில் பிடிபட்டது

மாமனாரும் வந்து சேர்ந்தார் சாக்கு நிறைய மீனோடு.

தாலி கட்டியவனை புளிவாங்க அனுப்பி

எனை விடுப்பெடுக்க வைத்து

சாக்கு மீனும் சமைத்தெடுத்து

பிரித்து மேயப்பட்டது மீன்கள்

தட்டு மட்டும் முட்களுடன்.

சாப்பிட்டு முடித்து ஏப்பம்

விட்டுத் திரும்புகையில்

அவனது

கழுத்து மணி ஓசை

விரைவில் உப்புக்கண்டம் ஆகப்போவது

தெரியாமல்

அவனது தொடைய பிரித்துக் கோர்ப்பது

யார்??

அசல் இங்கே