புதிய அமெரிக்க கால்சட்டை : நகைச்சுவை உரையாடல்

ஒரு நகைச்சுவை கால்சட்டை கதை, அமெரிக்காவின் சில கால்சட்டை கம்பெனிகள் தங்கள் கால்சட்டை கம்பெனிகள் மூடவேண்டிய நிலையில் இருப்பதாக உதவி கேட்கும்போது கொடுத்த கற்பனையான விளக்கங்கள்

அ.அதிகாரி: வாங்க எல்லாரும் என்னா எல்லாரும் வந்திருக்கீங்க என்ன விசயம்?

கா.கம்பெனி அதிகாரி: பொருளாதாரம் மந்தமா இருக்கிறதுனால கால்சட்டை வியாபாரம் குறைஞ்சு போச்சு, அதுனால கம்பெனி நடத்த அரசாங்க உதவி வேணும் அப்பதான் கம்பெனியவும்,அங்கன வேலை பாக்கிரவங்களையும் காப்பாத்த முடியும். உதவி கேட்டு வந்திருக்கோம் எசமான்.நாங்க மூடிட்டா எங்க கம்பெனி வெலைக்காரங்க, எங்க கால்சட்டை விக்கிற கடைகளும் மூடனும் மொத்தமா ஒரு அஞ்சு லட்சம் பேரு எதிர்காலம் எசமான்.


அ.அதிகாரி: அது சரி நிறைய பேரு வேலை போயிரும் காப்பாத்திதான் ஆகனும்.நீங்க ஏன் உங்க கால்சட்டையோட வராம உயர்தர கோட் சூட்டெல்லாம் போட்டிட்டு வந்திருக்கீங்க?அதுவும் தனி விமானத்துல?

கா.கம்பெனி அதிகாரி: அடுத்த முறை நாங்க எங்க சொந்த கால்சட்டைய போட்டுட்டு வரோம் எசமான்.


அ.அதிகாரி: சரி நீங்க தயாரிக்கிற கால் சட்டையெல்லாம் அதிக சோப் எடுக்குதாம், வாசிங் மெசின்ல போட்டா ரொம்ப கரண்ட் ஆகுதாம் ஆனா ஜப்பான் காரன் கம்பெனி கால்சட்டையெல்லாம் குறைந்த நேரத்திலயே குறைந்த சோப்பிலேயே தொவக்க முடியுதாம் ஏன் அப்பிடி?

கா.கம்பெனி அதிகாரி: அது வந்து, எங்க கால்சட்டையெல்லாம் கொஞ்சம் சொகுசு கால்சட்டை அதுனால...


அ.அதிகாரி: என்ன சொகுசு கொஞ்சம் வெளக்கமா சொல்லுங்க?


கா.கம்பெனி அதிகாரி:எங்க கால்சடைல பாத்தீங்கண்ணா வலிக்காம இருக்க நிறைய பஞ்சு வெச்சிருப்போம்.அப்பரம் கால் சட்டைல காப்பி வைக்க ஹோல்டர், புடிச்சிக்க ஹோல்டர் எல்லாம் ரொம்ப தரமா /சொகுசா பண்ணிருக்கோம், சன் ஓட்டை /மூன் ஓட்டையெல்லாம் பீச்சங்கரைய பாத்தோன அதுவா தொறந்துக்கும்.ஜப்பான் கால்சட்டை அப்படி இல்லை.


அ.அதிகாரி: ஒகே,ஆனா மக்கள் ஜப்பான் கால்சட்டை நல்லா தரமா இருக்குன்னு சொல்றாங்க.ஜப்பான் மற்ற வெளிநாட்டுக்காரங்களுக்கு போட்டியா என்ன மாதிரி மாடல்கள் அறிமுகப்படுத்துனீங்க?


கா.கம்பெனி அதிகாரி: நாங்க எட்டு பாக்கெட் வெச்ச சட்டி கால்சட்டை அறிமுகப்படுத்தினோம்,கால்சட்டைய வேகமா மாட்டறதுக்கு தகுந்த மாதிரி V8 -super fast elastic வெச்சோம், இதுனால வேகமா கழட்டி மாட்டலாம்.


அ.அதிகாரி: ஒரு மனுசன் போடுற கால்சட்டைக்கு அதுவும் உள் கால்சட்டைக்கு எதுக்கு எட்டு பாக்கெட் ,அதுக்கு ஏன் V8 -super fast elastic.பாக்கெட்ல வெக்கவே ஒன்னும் இல்லாதப்ப ஏன் இவ்ளோ பாக்கெட், இதுனால சோப் செலவு துவைக்கிற கரண்ட் செலவு கூடிப்போச்சு.மாத்தி யோசிங்க?


கா.கம்பெனி அதிகாரி: இல்ல எசமான் கடன் ஈஸியா கெடச்சா மக்கள் அடிக்கடி கால்சட்டை வாங்குவாங்க, அதுலயும் எட்டு பாக்கெட் கால்சட்டையெல்லாம் அப்படிதான் வித்தோம், ஒருத்தரு மட்டும் மாசம் பத்து கால்சட்டை வாங்குர அளவுக்கு வியாபாரம் இருந்துச்சு,இப்ப கடன் கெடக்காததுனால வியாபாரம் படுத்து போச்சி.


அ.அதிகாரி: ஒரு மனுசனுக்கு மாசம் பத்து கால்சட்டை ஏன்? நீங்க சொல்றத பாத்தா கடனை கொடுத்து தேவையே இல்லாத கால்சட்டைங்கள அவங்ககிட்ட வித்திருக்கீங்க.இது ரியல் எஸ்டேட் பபுள் மாதிரி இது கால்சட்டை பபுள் ஆ இருக்கும் போல.


கா.கம்பெனி அதிகாரி: இல்ல எசமான் நம்ம கால்சட்டை சீக்கிரம் கிழிஞ்சி போயுரும் அதுனால புதுசு புதுசா வாங்கிதான் ஆகனும்.நம்ம குவாலிட்டில பிக்ஸ் பிக்மா பயன்படுத்துறோம்.கரெக்டா டைமுக்கு கிழிஞ்சிரும்.

அ.அதிகாரி: என்னாது சின்ன புள்ளத்தனமா இருக்கு ஜப்பான் கால்சட்டை வருசக்கணக்கில வருதுங்கிறான் நீங்க என்னடான்னா தேவையில்லாத எட்டு பாக்கெட் V8 -super fast elastic கால்சட்டைய சீக்கிரம் கிழியற மாதிரி செஞ்சு கடன கொடுத்து வாங்க சொல்றது தப்பு மாதிரி இருக்கே,நீங்க என்னா பண்ணுங்க போயி நல்ல துணில சீக்கிரம் கிழியாம இருக்கிர மாதிரி நல்ல நூல்,துவைக்க அதிகம் சோப்பு ஆகாத மாதிரியும் நல்ல தரமா கால்சட்டை தயார் பண்ணுனாதான் உங்களுக்கு உதவி

கா.கம்பெனி அதிகாரி: அடிக்கடி கிளிஞ்சாதனே எசமான் வியாபாரம் பெருகும்,பொருளாதாரம் வளரும்.நீங்க புரியாம பேசரீங்க எசமான், இது 5 லட்சம் பேரோட வேலை அடங்கிருக்கு.

தொழிற்சங்க பிரதிநிதி : கால்சட்டை செஞ்சாலும் செய்யாட்டியும் எங்களுக்கு சம்பளம் வேணும்.இல்லாட்டி போராட்டம் வெடிக்கும்.

அ.அதிகாரி: யப்பா என்ன ஆள விடுங்க,எங்க தாத்தா எனக்கு மிச்சம் வெச்சிட்டு போன லங்கோடு யாருக்குங்கிற உயில தேட போகனும் நான் வறேன்.